"Türkiyədə prezident Rəcəp Tayyip Ərdoğan ilə hakim Ədalət və İnkişaf Partiyası (AKP) arasında gərginlik artır. Partiya rəsmilərindən biri ölkə prezidentini hökumətin qərarını pislədiyi üçün tənqid edib. Bundan sonra partiya iclasları təxirə salıb."
Məlumata görə, bu barədə ABŞ-ın "Stratfor" Araşdırmalar Mərkəzi yazıb.
Bildirilir ki, bütün bunlar narahatlıq doğurmayacaq normal siyasətdir. Ancaq indi Türkiyədə baş verənlər kiçik məsələ sayıla bilməz. Türkiyədə hökumətlə xarizmatik lider arasında fikir ayrılığı media başlıqlarından düşmür. Türkiyə münaqişəylə əhatələnib. Cənubunda Suriya və İraq müharibələri, şimalında, Qara Dənizdən o tayda Ukrayna münaqişəsi, şimal-şərqində Dağlıq Qarabağ münaqişəsi və nəhayət, Gürcüstanda hökumət əleyhinə nümayişlər. Şimal-qərbində isə Yunanıstan iqtisadi böhranının həlli üçün bütün Avropa İttifaqını qarşısına alıb.
Yazının müəllifləri prezident R.T.Ərdoğanın müasir Türkiyə tarixində qeyri-adi fiqur olduğunu, dünyəvilik və din arasında balans yaratdığını vurğulayırlar. Onun hakimiyyəti altında Türkiyə kiçik dövlətdən böyük potensial əhəmiyyət daşıyan regional oyunçuya çevrilib: "Ancaq heç nə əbədi deyil. İqtisadiyyat zəiflədikcə, AKP-nin populyarlığı azalıb. Ancaq problem ondadır ki, hazırda Ərdoğanı əvəzləyəcək, Türkiyəni əhatəsinə alan və ölkə içindəki münaqişələri idarə edəcək şəxs yoxdur."
Problemlərdən biri də odur ki, R.T.Ərdoğan baş nazirlikdən prezidentliyi seçdi. O, hökumətin deyil, dövlətin başçısıdır. Davutoğlu güclü fiqur sayılmır və Erdoğan özünü faktiki hökumətin başçısı sayır. Ancaq AKP-nin içində də buna qarşı çıxanlar var.
Yazıda vurğulanır ki, Türkiyədə siyasi proseslərin inkişafının suriyalı, iraqlı, iranlı, səudiyyəli və amerikalılara təsiri var: "Zəiflədilmiş Ərdoğan və ya onun potensial varislərindən biri tarazlığı saxlaya biləcəkmi? Həm də Türkiyənin regional rolunun artdığı bir məqamda. Ərdoğan Türkiyənin güclü dövlətə çevrilməsində rol oynayıb. İndi sual olunur ki, balansı kim saxlaya biləcək – təzyiq altında olan Erdoğan və ya baş nazir postuna qoyduğu şəxs... Siyasi gərginliklərin çoxunun dünyaya dəxili olmur. Ancaq bu dəfə dəxili var"./anspress/
