Tarix: 08.12.2016,   Saat: 18:11, Cümə axşamı.          

Obama Suriyada addımların mümkün variantları üzrə müşavirə keçirəcək

ABŞ prezidenti Barak Obama Suriyadakı münaqişənin nizamlanmasına dair  addımların mümkün variantlarını müzakirə etmək üçün oktyabrın 14-də xarici siyasət üzrə müşavirləri ilə iclas keçirəcək.
 
Məlumata görə, bu barədə “Röyters”ə amerikalı məmurlar bildiriblər.   
 
Mənbələrin məlumatına görə, variantlardan biri ABŞ Hərbi-Hava Qüvvələrinin Suriya ordusunun bazaları, silah-sursat anbarları və radiolokasiya stansiyalarına zərbələrin endirilməsini nəzərdə tutur. Bununla belə, mənbələr Obamanın bu planı dəstəkləyəcəyinə şübhə ilə yanaşırlar.
 
“Röyters”in məlumatına görə, Ağ Ev bu məlumatı şərh etməkdən imtina edib.  
 
 Qeyd edək ki, Rusiya XİN rəhbəri Sergey Lavrov və ABŞ dövlət katibi Con Kerri oktyabrın 15-də Lozannada Hələbdəki vəziyyəti müzakirə edəcəklər./apa/



  Bölmə: Gündəm | Baxış sayı: 134 | Tarix: 13.10.2016, 23:45


Xəbərlər