Milli Məclisin mətbuat xidmətinin rəhbəri: `Parlamentin İntizam Komissiyasının sədri dəyişməyib`
05.09.2017 672 0
“Milli Məclisin İntizam Komissiyasının sədri dəyişməyib. Bununla bağlı yazılanlar yanlış məlumatlardır”.
Bunu açıqlamasında parlamentin mətbuat xidmətinin rəhbəri Akif Təvəkküloğlu deyib.
O bildirib ki, hər hansı komissiyanın sədrinin dəyişdirilməsi səsvermə yolu ilə olur: “Bunun üçün də iclas keçirilməlidir. Belə bir şey olmayıb. Ümumiyyətlə, Siyavuş Novruzov İntizam Komissiyasının üzvü deyil".
Milli Məclisin İctimai birliklər və dini qurumlar komitəsinin sədri Siyavuş Novruzov da “Report”a açıqlamasında məlumatı təkzib edib: "İntizam Komissiyasının sədri seçilməmişəm".
Qeyd edək ki, bəzi saytlarda Milli Məclisin İntizam Komissiyasının sədrinin dəyişdiyi, deputat Ağacan Abıyevin yerinə Siyavuş Novruzovun seçildiyi qeyd olunub./Report/
Digər xəbərlər:
Bu gün xəbər əlavə olunmayıb.
Şərhlər