Əməkdar artistdən iddialara cavab — Yoldaşı üzrxahlıq elədi, meyiti təhvil verdik
20.09.2016 675 0.0 0

Məlum olduğu kimi ötən gün əməkdar artist Nahidə Orucovanın 55 illik yubileyinə və sənət fəaliyyətinin 37 illiyinə həsr olunmuş tədbirdə tanınmış rejissor Ələkbər Kazımovski qəflətən dünyasını dəyişib.

Bəzi saytlarda qeyd edilir ki, rejissor keçinəndən sonra məclis davam edib. Qazeta.info bildirir ki,  Ölkə.Az məsələ ilə bağlı məclisin səbəbkarı, əməkdar artist Nahidə Orucova ilə əlaqə saxlayıb. Aktrisa baş verənləri belə izah edib:

"Məclis Ələkbər müəllim keçinəndən iki saat sonra başladı. Gəldi, məni öpdü, təbrik elədi. Gördüm ki, çox pis tərləyib. Hətta elə bildim ki, yağış yağıb. Dedim ki, Ələkbər müəllim, bayırda yağış yağırdı? Dedi, yox, yol gəlmişəm, təngənəfəsəm. Sən demə, əcəl təri basırmış. Gətirib Məhərrəm Bədirzadənin yanında oturtdum. Oturan kimi başı getdi Məhərrəm müəllimin çiyninə və keçindi. Ağzıgöyçəklər yazır ki, məclisi davam etdirmişəm. Davam etdirməyə bilərdim? Axı necə edəydim? Camaat əlində çörək yeyirdi, mən necə deyəydim ki, çörəyinizi qoyun, çıxın. Yoldaşı, qızı, oğlu, qardaşı gəldi. Yoldaşı üzrxahlıq elədi və dedi ki, siz məclisinizə davam edin. Özüm yola saldım. Dünəndən hələ də şokdayam, özümə gələ bilmirəm. Az sonra durub Ələkbər müəllimin hüzr yerinə gedəcəyəm".

Xatırladaq ki, Ələkbər Kazımovski ötənlərin məşhur rejissoru Rauf Kazımovskinin oğlu idi.


Digər xəbərlər:
Bu gün xəbər əlavə olunmayıb.
Şərhlər
avatar