Hikmət Hacıyev: `Kanadalı deputat maddi maraq müqabilində işğal olunmuş ərazilərimizə səfər edib`
31.08.2017 350 0.0 0

“Kanada parlamentinin üzvü Toni Klemanın Azərbaycanın Ermənistan tərəfindən işğal olunmuş ərazilərinə qanunsuz səfəri Ermənistanın növbəti siyasi təxribatıdır”.

 

Bu sözləri açıqlamasında XİN-in mətbuat xidmətinin rəhbəri Hikmət Hacıyev deyib. O bildirib ki, T. Klemanın bu qanunsuz səfəri maddi maraq müqabilində sıx əlaqələr' malik olduğu Erməni Milli Komitəsinin Kanada bürosu və erməni lobbisi tərəfindən təşkil edilib: “Dəfələrlə rüşvətxorluq və korrupsiya əməllərində adı hallanan bu şəxs Azərbaycanın işğal olunmuş ərazilərinə maddi maraq müqabilində səfər edərək Ermənistanın Azərbaycana qarşı təcavüzü və qanlı etnik təmizləmə siyasətini pərdələməyə və ona bəraət qazandırmağa cəhd göstərir. O, həmçinin göstərdiyi bu xidmət müqabilində gələcək seçkilərdə Kanada erməni lobbisinin maddi dəstəyini qazanmağa çalışır”.

 

Nazirlik rəsmisi qeyd edib ki, T. Klemanın Azərbaycan qanunlarının, beynəlxalq hüququn norma və prinisplərinin pozulması ilə müşayiət olunan və mənəvi-etik və humanist dəyərlərdən kənar bu əməlləri ilk növbədə Kanadanın parlamentarizm ənənələrinə və seçicilərinə qarşı hörmətsizlik kimi qiymətləndirilməlidir: “Ümid edirik ki, Kanada parlamentinin müvafiq etik komitəsi onun ölkə xaricindəki bu əməllərini araşdıracaq. Toni Klemanı müşayiət edən Məjid Əl-Şəfi adlı şəxs QHT rəhbəri olsa da, Ermənistan Xarici İşlər Nazirliyipropaqanda məqsədilə qəsdən onu da Kanada parlament üzvü kimi təqdim edir. Dini azlıqların hüquqları məsələsi ilə məşğul olan Məjid Əl-Şəfiyə Ermənistanın dünyada yeganə mono-etnik dövlətə çevrilməsi, Ermənistanda 300000-dən artıq köklü müsəlman-azərbaycanlı əhalinin etnik təmizləməyə məruz qoyulması, bu ölkədə yəzidilər, assorilər, molokan rusların təqiblərlə üzləşməsi, erməni qriqoryan kilsəsindən başqa digər xristian kilsə və icmaların fəaliyyətinə qarşı dözümsüzlük, Azərbaycanın işğal olunmuş ərazilərində maddi-mədəniyyət və dini abidələrin talan edilməsi hallarına diqqət yetirməyə çağırırıq”.

 

H. Hacıyevin sözlərinə görə, sözügedən məsələ ilə əlaqədar Azərbaycanın narahatlığı və narazılığı Kanada Xarici İşlər Nazirliyinə və Kanadanın parlamentinə çatdırılıb.  Həmin şəxslərin adı "arzuedilməz şəxslər" siyahısına daxil ediləcək./APA/


Digər xəbərlər:
Şərhlər
avatar