Bakıda və Abşeron yarımadasında yanvar ayının 07-si axşamdan başlayaraq hava şəraitinin kəskin dəyişəcəyi, şimal küləyinin güclənəcəyi, yanvarın 08-dən 10-dək fasilələrlə yağıntılı olacağı, sulu qar, qar yağacağı gözlənilir.
Yanvarın 08-də havanın temperaturunun ötən günlə müqayisədə 10-12 dərəcə aşağı düşəcəyi, yanvarın 08-i gün ərzində 0 dərəcəyə yaxın, axşama doğru 2 dərəcəyədək şaxta, yanvarın 09-u gün ərzində 0 dərəcəyə yaxın, yanvarın 9-10-da gecə saatlarında 4 dərəcəyədək şaxta olacağı ehtimalı var.
Azərbaycanın rayonlarında isə bu proses yanvarın 07-si günün ikinci yarısında qərb rayonlarından başlayacaq. Yanvarın 10-dək hava şəraiti fasilələrlə yağıntılı olacaq, sulu qar, qar yağacaq, arabir intensivləşəcək. Əsasən Kür vadisi rayonlarında qərb küləyinin güclənəcəyi, temperaturun kəskin enəcəyi gözlənilir. Yollar buz bağlayacaq
Xatırladaq ki , hava şəraitinin pozulması ilə əlaqədar Daxili İşlər Nazirliyi Respublika Baş Dövlət Yol Polisi İdarəsindən (BDYPİ) də məlumat yayılıb.
Məlumatda , ölkədə davam edəcək soyuq hava şəraiti əlaqədar sürücülərə yolların buz bağlamasını nəzərə alaraq avtomobillərinin texniki sazlığı normal olmayan və şinlərinin qış mövsümünün normalarına cavab verməyən avtomobillərlə yola çıxmamaları xəbərdarlığını edir.