DİASPORANIN ÜZVLƏRİ YENİDƏN YOXA ÇIXIB
13.08.2014 1713 0.0 0
 

Ukraynanın Luqansk vilayətinin Krasnodar şəhərində separatçıların girovluqdan azad olunan Azərbaycan diasporunun iki üzvü , iş adamı Cahangir Əliyev və ikram Ədilov  Donetsk istiqamətində itkin düşüb.

 

İ. Ədilovun qardaşı Rasim Ədilov  bildirib ki, hər iki şəxs avqustun 3-də itkin düşdükləri ərazi Ukrayna ordusu tərəfindən separatçılardan azad olunduqdan sonra tapılaraq Xarkov şəhərinə gətirilib: “Xəbər aldıq ki, onlar Ukrayna ordusu tərəfindən azad olunaraq Xarkova gətirilib və buraxılıblar. Lakin sonradan Donetsk istiqamətində itkin düşdükləri xəbəri gəldi. Neçə gündür, heç bir xəbər yoxdur”.

 

R. Ədilov qeyd edib ki, yerli hüquq-mühafizə orqanlarına göndərilən sorğuların cavabında da İ. Ədilov və C. Əliyev barəsində heç bir məlumat əldə edilmədiyi, onların itkin düşdüyü ərazinin separatçıların nəzarətində olduğu bildirilir.

 

Azərbaycanın Ukraynadakı səfirliyinin konsulluq məsələləri üzrə I katibi Asim Osmanov isə açıqlamasında bildirib ki, hadisə ilə bağlı araşdırma aparacaq və lazımı yerlərə müraciətlər göndərəcəkdir.

 

Qeyd edək ki, hər iki iş adamı iyulun 30-da biznesləri ilə əlaqədar Rusiya ilə həmsərhəd Krasnodon şəhərinə gedib, həmin ərazi separatçılar tərəfindən bombalandıqdan sonra onlarla əlaqə itib.

 

Avqustun 3-də isə Ukrayna ordusu tərəfindən keçirilən əməliyyat zamanı onların azad olunaraq Xarkova gətirildikləri, İ. Ədilovun şəxsi silahının sənədləri ilə bağlı yoxlama aparıldıqdan sonra buraxıldıqları bildirilib.

 

Ukrayna vətəndaşları olan 1964-cü il təvəllüdlü Cahangir Əliyev əslən Azərbaycanın Astara, 1974-cü il təvəllüdlü İkram Ədilov isə Tərtər rayonundandır. //APA


Teqlər:DİASPORANIN ÜZVLƏRİ YENİDƏN YOXA ÇI

Digər xəbərlər:
Bu gün xəbər əlavə olunmayıb.
Şərhlər
avatar