Qazeta.info bildirir ki, 2014-cü il dekabrın 1-i vəziyyətinə 963,3 min hektar payızlıq və yazlıq dənli və dənli paxlalıların (qarğıdalısız) məhsulu yığılmış, hər hektardan 22,8 sentner olmaqla cəmi 2179,3 min ton məhsul istehsal olunmuşdur.
Yığılmış ümumi taxıl sahəsinin 604,0 min hektarını buğda bitkisi təşkil edir ki, bu sahələrdən də cəmi 1446,5 min ton və ya hər hektardan 23,9 sentner buğda toplanmışdır. Eyni zamanda, 37,3 min hektar dən üçün qarğıdalı sahəsinin 37,1 min hektarı (99,4%) yığılmış, hər hektardan 54,0 sentner olmaqla 200,1 min ton məhsul yığılmışdır.
Bunlarla yanaşı, 61,7 min hektar kartof sahəsindən 819,3 min ton və ya hər hektardan 132,9 sentner kartof, 76,0 min hektar tərəvəz bitkiləri sahələrindən 1181,6 min ton və ya hər hektardan 155,5 sentner tərəvəz, 28,0 min hektar ərzaq üçün bostan bitkiləri sahəsindən 440,9 min ton və ya hər hektardan 157,3 sentner bostan, 11,7 min hektar dən üçün günəbaxan sahəsindən 20,3 min ton və ya hər hektardan 17,3 sentner günəbaxan, 1,1 min hektar tütün sahəsindən 2,9 min ton tütün yarpağı, habelə 5,7 min hektar şəkər çuğunduru sahəsindən 166,4 min ton və ya hər hektardan 334,6 sentner şəkər çuğunduru və 22,9 min hektar pambıq sahəsindən 24.11.2014 tarixə 40,6 min ton və ya hər hektardan 17,7 sentner pambıq məhsulu yığılmışdır.
Bundan əlavə, istehsalçılar tərəfindən 844,6 min ton meyvə məhsulları, 147,6 min ton üzüm və 459,2 ton yaşıl çay yarpağı istehsal edilmişdir.
Xatırladaq ki. ötən ilin noyabr ayının 1 -ə olan göstəricilərlə müqayisədə Payızlıq və yazlıq dənli və dənli paxlalılar (qarğıdalısız) bitkilərin yığım həcmi aşağı düşüb.Belə ki , ötən ilin noyabr ayında 1035471 ha , yığılmış məhsulun həcmi isə 2752594 ton olub.