Baş pediatr: Yeni dünyaya gələn körpələrin təqribən 2 faizində irsi xəstəliklər aşkar olunur
07.12.2016 795 0.0 0

"Azərbaycanda yeni dünyaya gələn uşaqların təqribən 2 faizində, yəni hər yüz nəfərin ikisində irsi xəstəliklər aşkar olunur".

Bildirək ki, bunu jurnalistlərə açıqlamasında respublikanın baş pediatrı Nəsib Quliyev deyib.

Onun sözlərinə görə, diridoğulanların 0,6 faizində xromosom xəstəlikləri aşkar olunur: "Ölü doğulan (5,6 faizdən 11 faizədək) və düşük nəticəsində (50-70 faizhalda) ölənlərdə isə bunun faizi daha çoxdur. Bu xəstəliklərin irsi mənbəyi xromosomlar (Edvard, Daun sindromu) və genlərlə bağlı ola bilər".

N.Quliyev bildirib ki, yeni doğulan körpələrdə aşkarlanan irsi xəstəliklərin sayı çoxdur: "Ümumiyyətlə, insan orqanizmində irsi, yaxud anadangəlmə inkişaf anomaliyalarına rast gəlinmədiyi sistem yoxdur. İrsi xəstəliklərin birdəfəlik müalicəsi mövcud deyil. Bu xəstəliyin daşıyıcıları insan orqanizmində olan 3 trilyon somatik hüceyrənin hamısında var. Ona görə də bu xəstəliyin birdəfəlik sağalması mürəkkəb məsələdir. Hər bir xəstəliyin yaşama müddəti var"./Report/


Digər xəbərlər:
Bu gün xəbər əlavə olunmayıb.
Şərhlər
avatar