İngiltərənin bank işçiləri İŞİD terror qruplaşmasını təqlid edən video çəkdiklərinə görə qovulublar.
Məlumata görə, bank işçiləri çəkdikləri 7 saniyəlik videoda guya kimisə edam edirlər. Saf Əhməd adlı bir bank işçisi isə İŞİD-çilərin edam edilənlərə geyindirdiyi kimi narıncı geyimdə diz çökdürülür. Videoda hər kəsin güldüyü eşidilir.
Video çəkiləndən sonra onu instagrama yükləyiblər. Qısa zamanda xeyli izlənsə də video tezliklə səhifədən silinib. Amma silinməzdən əvvəl ingiltərənin "The Sun" qəzeti həmin videonu xəbər edib.
Nüfuzunun zədələnməsindən narahat olan bank rəhbərliyi öz işçilərini bağışlamayıb. Hər kəsdən üzr istəyən bank həmin videoda çəkilən altı işçisini işdən qovub. "Bu cür davranışa qarşı dözümlü davrana bilmərik", - deyən məşhur bankın rəhbərliyi bu cür halların bağışlanması mümkün deyil./anspress/
