Ayın səthində sürünən nəhəng naməlum obyekt alimləri çaşdırıb. Sirli obyekt Oman rəsədxanasının astronomları tərəfindən çəkilib.
Qazeta.info Publika.az-a istinadla xəbər verir ki, internetdə yaılan görüntülərə alimlər cavab tapa bilməyib. Ayın səthi boyu yavaş-yavaş hərəkət edən qəribə formalı, tünd rəngli naməlum obyektin görüntüləri Oman rəsədxanasında güclü teleskopun köməyilə qeydə alınıb.
Alimlər obyektin nə olduğunu bilmədən Ay səthində yerdən kənar həyatın olduğunu elan ediblər.
Ekspertlər obyektin meteroid olduğunu düşünmürlər. Onların fikrincə, hər hansı meteroid və ya bənzəri obyekt tam başqa trayektoriya üzrə hərəkət edərək özünü daha tez bildirmiş olardı.
Skeptiklər öz növbəsində, teleskopun mümkün ola biləcək qüsurlarını da nəzərə alıblar. Ola bilər ki, bu görüntülər yanlışdır. Elm baş verən hadisəni izah etməkdə aciz qalıb.
