Avropa Şurasının nümayəndələri Pentensiar Xidmətdə görüş keçiriblər
01.11.2016 571 0.0 0

 Avropa Şurasının (AŞ) “Azərbaycanda penitensiar xidmətin islahatlarına əlavə dəstək” layihəsinin icrasına başlanması ilə bağlı AŞ-nın Azərbaycandakı rəhbərinin müavini Jöel Mermet və layihə üzrə məsul əməkdaş Aynur Yusifova ilə Ədliyyə Nazirliyi Penitensiar xidmətinin Baş idarəsində görüş keçirilib.
Xidmətdən verilən məlumata görə, Penitensiar Xidmətin rəis müavini, ədliyyə general-mayoru Hüseyn Əlixanov Avropa Şurası tərəfindən ölkəmizin penitensiar sistemində aparılan islahatlara göstərilən dəstəyə yüksək dəyər verdiyini deyib.
Jöel Mermet AŞ-nin fəaliyyət planı çərçivəsindəki layihənin məqsədinin Azərbaycanın penitensiar sistemində aparılan islahatlara zəruri olan sahələr üzrə dəstəyin davam etdirilməsindən ibarət olduğunu bildirib.
Penitensiar sistemə göstərilməsi nəzərdə tutulan əlavə dəstəyin istiqamətlərinin müəyyənləşdirilməsi ətrafında fikir mübadiləsi aparılıb, o cümlədən məhkumalara və təqsirləndirilən şəxslərə göstərilən tibbi xidmətin səviyyəsinin artırılmasının və həbsxanaların idarə olunmasının təkmilləşdirilməsinin diqqət mərkəzində saxlanıldığı qeyd edilib.
Layihənin həyata keçirilməsi ilə əlaqədar üç pilot cəzaçəkmə müəssisəsinin müəyyənləşdirilməsi təklifi müzakirə olunub.
Görüşdə Ədliyyə Nazirliyinin Tibb Baş İdarəsinin və Penitensiar xidmətin məsul əməkdaşları da iştirak ediblər./report/


Digər xəbərlər:
Bu gün xəbər əlavə olunmayıb.
Şərhlər
avatar