Avropa Liqası: Rusiyanın hər 3 klubu 1/8 final mərhələsinin ilk oyunlarında uduzub - VİDEO
09.03.2018 595 0.0 0

Futbol üzrə Avropa Liqasında 1/8 final mərhələsinin ilk oyunları keçirilib.

Qazeta.info "Report"un məlumatına əsasən bildirir ki, bu mərhələdə Rusiya ən çox ən çox klubla təmsil olunduğu halda, onların hamısı məğlubiyyətlə üzləşib. MOİK evdə Fransa "Lion"una, "Zenit" Almaniyada "Leyptsiq"ə minimal fərqlə, "Lokomotiv" isə İspaniyada "Atletiko"ya böyük hesabla uduzub.

 

İtaliya komandaları da qələbə qazana bilməyiblər. "Latsio" evdə Ukraynanın "Dinamo" (Kiyev) klubu ilə heç-heçə etdiyi halda, "Milan" "Arsenal"a uduzub. Almaniyanın digər təmsilçisi "Borussiya" gözlənilmədən Dortmundda Avstriya "Zalsburq"una uduzub. 

Portuqaliya "Sportinq"i Çexiya "Viktoriya"sı, Fransanın digər təmsilçisi "Marsel" isə İspaniya "Atletik"i üzərində inamlı qələbə qazanıb.

Avropa Liqası

1/8 final, ilk oyunlar

8 mart

22:00."Milan" (İtaliya) - "Arsenal" (İngiltərə) - 0:2

Qollar: Henrik Mxitaryan, 16. Aron Remzi, 90+4

22:00. "Atletiko" (Madrid, İspaniya) - "Lokomotiv" (Moskva, Rusiya) - 3:0

Qollar: Saul, 22. Dieqo Kosta, 47. Koke, 90

22:00. "Borussiya" (Dortmund, Almaniya) - "Zalsburq" (Avstriya) - 1:2

Qollar: Andre Şürrle, 62 - Valon Berişa, 49-penalti; 56

22:00. MOİK (Moskva, Rusiya) - "Lion" (Fransa) - 0:1

Qol: Marselo, 68

00:05."Latsio" (İtaliya) - "Dinamo" (Kiyev, Ukrayna) - 2:2

Qollar: Çiro İmmobile, 54. Felipe Anderson, 62 - Viktor Tsıqankov, 52. Junior Moraeş, 79

00:05. "Leyptsiq" (Almaniya) - "Zenit" (Rusiya) - 2:1

Qol: Bruma, 56. Timo Verner, 77 - Domeniko Krişito, 86

00:05. "Marsel" (Fransa) - "Atletik" (Bilbao, İspaniya) - 3:1

Qollar: Lukas Okampos, 1; 57. Dimitri Payet, 14 - Arits Adurits, 45+2 - penalti ilə

00:05. "Sportinq" (Portuqaliya) - "Viktoriya" (Plzen, Çexiya) - 2:0

Qollar: Fredi Montero, 45+1; 49

Qeyd edək ki, cavab görüşləri martın 15-də keçiriləcək.


Digər xəbərlər:
Bu gün xəbər əlavə olunmayıb.
Şərhlər
avatar