ABŞ və Türkiyə arasında Membiclə bağlı razılaşma əldə olunub, terrorçular bölgədən çəkiləcək
13.03.2018 460 0.0 0

“YPG Membicdən çıxan kimi ABŞ və Türkiyə hərbçiləri bölgənin təhlükəsizliyini birgə təmin edəcək”.

“Hürriyet”ə istinadən xəbər verilir ki, bunu Moskvada səfərdə olan Türkiyənin xarici işlər naziri Mövlud Çavuşoğlu bildirib.

Onun sözlərinə görə, martın 19-da Suriya məsələsi ilə bağlı "Yol xəritəsi" müəyyənləşdiriləcək: "YPG -nin Membicdən çıxandan sonra ABŞ və Türkiyə hərbçiləri bölgədə təhlükəsizliyi birlikdə təmin edəcək. ABŞ-ın YPG-yə verdiyi silahların hamısını geri ala bilməyəcəyimizi bilirik. Onların bəziləri köhnəlib, bəziləri itib. Ancaq ABŞ prezidenti Donald Tramp bir müddət əvvəl demişdi ki, həmin silahları terrorçulardan geri alacaqlar. ABŞ-Türkiyə işçi qrupunda verilən bu vədə necə əməl olunduğunu görəcəyik”.

Qeyd edək ki, martın 19-da Mövlud Çavuşoğlu Vaşinqtonda ABŞ-ın dövlət katibi Reks Tillersonla görüşəcək. Həmin görüşdə Suriya məsələsi müzakirə ediləcək. /Report/


Digər xəbərlər:
Bu gün xəbər əlavə olunmayıb.
Şərhlər
avatar