`Taliban` qadınların nümayişində gözyaşardıcı qazdan istifadə edib
17.01.2022 241 0.0 0

"Taliban" tərəfdarları Əfqanıstanın paytaxtı Kabildə təşkil olunan etiraz aksiyasının iştirakçılarına qarşı gözyaşardıcı qazdan istifadə ediblər.

"Report" xəbər verir ki, bu barədə Əfqanıstanın "Aamaj News" agentliyi məlumat yayıb.

Bir qrup əfqan qadın "Taliban"ın tətbiq etdiyi məhdudiyyətlərə etiraz etmək üçün Kabil küçələrinə çıxıb. Nümayişçilər qanuni hüquqlarının təmin olunmasını tələb ediblər.

Qeyd edək ki, "Taliban" hakimiyyətə gəldikdən sonra qadınlara müvəqqəti məhdudiyyətlər qoymağa başlayıb. Hərəkat 20 ilə yaxındır mövcud olan Qadın İşləri Nazirliyini ləğv edərək, onun əvəzinə İslami Müraciət nazirliyini yaradıblar. Bu, 1996-cı ildən 2001-ci ilə qədər fəaliyyət göstərən, əxlaq polisi funksiyaları ilə təchiz edilmiş orqanın analoqudur.

Bundan əlavə, "Taliban" ölkənin əksər əyalətlərində qızların məktəblərə girişini məhdudlaşdırıb, qadın teleaparıcıları hicab taxmağa məcbur edib və yerli televiziyalara zərif cinsin nümayəndələrini əks etdirən filmləri nümayiş etdirməməyi tapşırıb.


Digər xəbərlər:
Bu gün xəbər əlavə olunmayıb.
Şərhlər
avatar