Tarix: 08.12.2016,   Saat: 22:06, Cümə axşamı.          

`50 il biz idarə edəcəyik1 – DÜNYAYA MEYDAN OXUDU

ABŞ-ın yeni seçilən prezidenti Donald Trampın baş məsləhətçi təyin etdiyi Stiv Bannon gündəm yaradacaq bəyanatlar verib.

Qazeta.info Publika.az -a istinadən xəbər verir ki, baş məsləhətçi vəzifəsinə gətirilmədən əvvəl Trampın seçki kampaniyasının meneceri olan Bannon demokratları sərt şəkildə tənqid edib.

“Qlobalistlər Amerikada işçi sinfi yox etdilər və Asiyada orta sinif yaratdılar. Mövzu amerikalıların daha istismar olunmaq istəməməsi ilə bağlıdır. Əgər Tramp bunu bacarsa, ağdərililərin 60, qaradərili və Latın Amerikalıların 40 faiz səsini alacağıq. Əlli il ərzində ölkəni biz idarə edəcəyik. Demokratlar bunu istəmirlər”, - o, deyib.

Tamamilə yeni bir siyasi hərəkat yaradacaqlarını deyən Bannon trilyon dollarlıq bir infrastruktur planının olduğunu bildirib: “Bu, hər şeyi yenidən inşa etmək üçün möcüzəvi bir fürsətdir. Limanlar, polad zavodları və sair. Hər şeyi yüksəldək, 1930-cu illərdəki kimi həyəcanlı, Reyqan inqilabından daha böyük”.

Mühafizəkar "Breitbart News Network"ün icraçı direktoru olan Bannon62 yaşındadır. Keçmiş hərbi dəniz qüvvələri zabiti, bankir və Hollivud prodüseridir. "Breitbart News Network" Amerikanın ən çox oxunan mühafizəkar xəbər internet şəbəkəsidır.

Trampın Bannonu baş məsləhətçi təyin etməsi Respublikaçılar Partiyası daxilində də ciddi müzakirələrə səbəb olub. Respublikaçılar ifat sağçı və irqçi fikirləri olduğu üçün Bannonla aralarında məsafə saxlayırlar.



  Bölmə: Manşet | Baxış sayı: 852 | Tarix: 19.11.2016, 16:44


Xəbərlər